«Լուիզա-Վ» երաժշտական դպրոցը, հետևելով իր ավանդույթներին, այս տարի հոկտեմբերի 2-ին իր դահլիճում կազմակերպեց ևս մեկ միջոցառում՝ «Ուսուցիչներն աշակերտների համար»: Համերգի նպատակն էր իրենց աշակերտներին փոխանցել ավելի իրատեսական պատկերացում և հասկացողություն, թե ինչին պետք է ձգտել, ինչպես նաև, թե ինչի կարելի է հասնել երաժշտության աշխարհի լիարժեք ըմբռնմամբ:
Բեմում տեսնելով իրենց ուսուցիչներին, լսելով նրանց գեղեցիկ կատարումները, զգալով իրենց ուսուցչի յուրաքանչյուր հույզը, մեր դպրոց-ընտանիքի երեխաները շատ ավելի մեծ ոգևորությամբ են դասի գալի։
«Ուսուցիչներն աշակերտների համար» ՝ առանձնահատուկ վարպետաց դաս էր, որի համար մենք մեր խորին շնորհակալությունն ենք հայտնում մեր աննման, անվախ ուսուցիչներին իրենց նվիրվածության և ոգեշնչման համար։
Համերգը նոր շունչ տվեց և թողեց աննկարագրելի հաճելի տպավորություն զարմանահրաշ հանդիսատեսին։
